SAB POEMS

எனக்கென்று பிறந்தவளோ..

2009-12-10T18:46:00.001-08:00

எனக்கென்று பிறந்தவளோ..
என்னை ஆட்க் கொண்டவளே...
திசைகளற்று திரிந்த
கண்களை திருப்பி..
திலகமிட வைத்தாய்..
வைத்த நாள் முதல்
உன்னிடம் வைத்த கண்ணை
நீங்காமல் பார்த்து கொண்டாய்..!
உனது கோபம்
உனது சந்தோசம்
உனது அன்பு..
என்னை ஆட்சி செய்கிறதே...

ஒவ்வொரு நொடியும் உனை விட்டு விலகிடவே நினைக்கிறேன்..
நான் நானாக இருக்க...

இன்று.. இக்கணம் வரை முடியவில்லை...
இந்த போராட்டம் எதுவரை..!

அம்மா!

2009-12-04T16:57:00.000-08:00

கைவிளக்கேந்திய காரிகையாய்
கனவில் தேவதைதான் வந்தாள்,
வண்ணச் சிறகுகள் மினுமினுக்க
வரம்தான் என்ன வேண்டுமென்றாள்!
"நிஜத்தில் உன்னைப் பார்க்கவே
நீண்டநாளாய்ஆசைஎன்றேன்"
'கண்ணை விழித்துப்பார்!' என்றாள்,
கண்டேன் எந்தன் தாய் அங்கே!

மரம் தரும் வரம்

2009-12-04T16:56:00.000-08:00

மண்சரிவால் மண்ணாகிப்போன மனிதர்கள்,
கலைந்துபோன கனவுகள்,
இத்தனையும் ஏன்?
இயற்கையை நேசி!
இயற்கையை சுவாசி!
இது உன்னால் இயன்றால்
மரம் தரும் நல்வரம்!
இல்லாவிட்டால் மண்ணுக்கு நீ உரம்!

மழழையாய் மாறேனோ?!

2009-12-04T16:55:00.000-08:00

தும்பைப்பூசெடி கொண்டு
தும்பி துரத்திய காலம்!

கட்டெரும்புக்கு கண்ணீர்விட்டு
கல்லறை எழுப்பிய காலம்!

அர்ச்சுனன் துணைவேண்டி
அடைமழை இடிகேட்டு அரண்ட காலம்!

அம்மாவின் முந்திசீலையை
சுண்டுவிரலிடுக்கில்சுற்றி சுகமாய் கண்ணுரங்கிய காலம்!

ஆஹா!மீண்டும் மழழையாய் மாறேனோ?!

அன்பானவளே..!

2009-11-19T23:27:00.002-08:00

எறும்பு ஊர கல்லும்
தேயுமா என்பது தெரியாது
உன் மனக்கல் மீது யார்
ஊர்ந்தாலும்

அவர்கள்தான் தேய்வார்கள்
என்பது மட்டும் தெரியும்

*

என் கவிதைகளின் எழுத்துப்
பிழைகளை நீ சரி செய்வதைவிட
மிக அழகு உன் உடையை நீ
சரி செய்வது

*

நீ
ஆசைபட்டபொருட்கள்
எல்லாவற்றையும்
வாங்கி பத்திரமாய்
வைத்திருக்கிறேன்

பத்திரப் படுத்தியதற்காகவாவது
என் மேல் உனக்கு ஆசை
வந்துவிடும் என்ற நம்பிக்கையில்

*

குழந்தையை தூக்கி கொஞ்சுகிறாய்
குழந்தையோ உன்னைக் கொஞ்சுகிறது
குழந்தை நீ தூக்கியதற்காய்

*

பூ
செடியை
சுற்றுமா என்ன..?

நீ
துளசிச் செடியை
சுற்றும்போது

என்னை நானே
கிள்ளிப் பார்க்கிறேன்

என் கனவே நீதான்..!

2009-11-19T23:27:00.001-08:00

கனவு காண யாரும்
உறங்கப் போவதில்லை

நான் மட்டும்தான்
பகல் கனவு கண்டு
கொண்டு இருக்கிறேன்
நான் தூங்குவதாக

நீ
என்னை மட்டுமல்ல
என் உறக்கத்தையும்
சேர்த்துத்தான்
கலைத்துவிட்டாய்

மறுபடி நான்
உன்னை சந்திக்க
நேர்ந்தால்

என் உறக்கத்தையாவது
கெஞ்சிக் கேப்பேன்

மறுபடி நான்
தூங்கிப்போனால்

என் கனவில் உன்னையே
கெஞ்சி கேப்பேன்

என் முதல் காதல்

2009-11-19T23:26:00.000-08:00

என் பள்ளி காலத்தில்

வந்தது முதல் காதல்

அவளின் ஒரு நிமிட பார்வைக்கு

அடிமையாகி போனேன்

என் முகம் பார்த்து பின் முதுகு

துளைத்துப்போனது உன் பார்வை

ஈட்டியோ என்று இருந்தேன்

இல்லை அது நங்கூரம் என்று

என் நெஞ்கில் பாய்ச்சி விட்டு போனாள்

அடுத்த ஆண்டு பள்ளித்திறப்பில்

ஆவலோடு எதிர் பார்த்தேன் உன்னை

ம்ம் நேற்று வரை வரவில்லை நீ

இருபது வருடம் போனபின்பு

கண்டேன் உன்னை

உன் பிள்ளைகளுடன்

எங்கே அந்த கண்கள்

எங்கோ வெறித்த பார்வையில்

எத்தனையோ சோகங்கள்

உன் கண்கள் கண்டு

கலங்கின என் கண்கள்

இறைவா இவள் கண்களில் உயிர் கொடு.

இவள் வாழ்வில் ஒளி கொடு

நட்பும் காதலும்

2009-11-19T23:23:00.000-08:00

நட்பு
என் அன்பை அடகு வைக்கிறேன்.
உன் மனதை கடனாக கொடு
வாழ்கை முழுதும் வட்டி கட்டுகிறேன்
நட்பாக நானிருந்து.

என் நினைவாக உன்னிடம் ஒன்றும் இல்லை.
ஆனால் என்னிடம்
உன் நினைவை தவிர வேறொன்றும் இல்லை.

ஒரு நொடி சிரித்துமறு நொடி அழுகின்ற ஆனந்தம் காதல்!!!!.
ஒரு நொடி சிரித்துமறு நொடி தோழ் கொடுக்கிற ஆனந்தம் நட்பு!!!

நீ விரும்பும் உயிருக்கு உன் அன்பு புரியாது!!
ஆனால் உன்னை விரும்பும் உயிருக்கு
உன்னை தவிர வேறொன்றும் தெரியாது.

என்னை மறந்து நான் தூங்கின தூக்கம் கருவறையில் தான்
உன்னை மறந்து நான் தூங்கும் தூக்கம் என் கல்லறையில் தான்

உனது கண்கள் கலங்கிய பின்பு தான்
எனது கண்களில் தூசி விழுந்ததை நான் உணர்ந்தேன்!!!

யார் குற்றமோ…!

2009-07-05T21:38:00.002-07:00

நான் நானாகவே
இருந்திருக்கலாம்

நீ நீயாகவே
இருந்திருக்கலாம்

எனக்கு நீயும்
உனக்கு நானும்
யாரோ என்றே
வாழ்ந்திருக்கலாம்

நீ என்னை
காதலோடு
பார்க்காமல்
போயிருந்தால்

நான்
உன்னிடம்
நேரம் கேக்காமல்
போயிருந்தால்

இப்பிடி சேர்ந்து
ஒன்றுக்குள் ஒன்றாக
வாழ்ந்துவிட்டு

ஒவ்வொன்றாக வலியோடு
பிரியாமல் போயிருப்போம்

காதலே வருவாயா...!

2009-07-05T21:38:00.001-07:00

உனக்கு காக்க
வைப்பதில்
சுகமென்றால்
எனக்கு காத்திருப்பதில்
அதிக சுகம்.......
உன் தூக்கம் கலைக்க
விரும்பவில்லை
உன் தூக்கம்
கலையும் வரை
காத்திருக்கத்தான்
விரும்பவில்லை.....
கவிதைக்காய்
காத்திருப்பதில்
கவிதை பிறப்பது
எனக்கு மட்டும்தான்.......
உனக்காய் காத்திருந்து
என் எழுத்துக்களுக்கு
கால் வலிக்கிறது
தயவு செய்து
வரும் போது
வெறும் கையோடு
வந்துவிடாதே......
கன நேரமாய்
காத்திருந்தாலும்
நீ கேட்டால்
ஏன்தான் சில நேரமாய்
என்று பொய்
சொல்லுகிறேனோ.....
உனக்காய் காத்திருந்த
இடத்தில்
நான் காணாமல்
போயிருந்தால்
கவலைப்படாதே
என் கால்களின்
கவிதைகளையாவது
விட்டுத்தான்
போயிருப்பேன....

நீ ஏ(பே)சு...!

2009-06-26T20:23:00.002-07:00

காதல் விண்ணப்பித்து
காத்திருக்கும்
ஜீவன் நான்!

புத்தகம் விரித்தேன்
படிக்க - அதில் தெரிவது
உன்முகம்!

மழைமேகம் நான்
தோகை மயில் நீ
என்னைக் கண்டு நீ
ஆடவேண்டும் ஓடக்கூடாது!

உன் வார்த்தை வீசும்
வாசனை கேட்க - காதுக் கதவு
வியாபித்திருக்கிறது!

நீ = பூ
பேசு!
வாய் திறந்து
வார்த்தை வீசு!
இல்லையென்றால் ஏசு!

"அன்பு" அவசரகாலச்
சட்டத்தின் கீழ் உன்னை
கைது செய்யப்போகிறேன்
சாதாரண கைதியாகவல்ல
ஆயுட்கைதியாக.!

உன் கார வார்த்தை
என் அமில சிரிப்பின் முன்
நடுநிலை.
பூ!
பேசு!
வாய்திறந்து
வார்த்தை வீசு!

காதலே வருவாயா...!

2009-06-26T20:23:00.001-07:00

நினைப்பு

2009-06-21T19:03:00.000-07:00

ஒரு குழந்தை வளரும் போது தன் தந்தை பற்றி நினைக்கும் கணிப்பின் மாட்ரங்களும் யதார்த்த இயல்புகளும்

4 வயதில் : என் தந்தை மிகவும் பெரியவர்
6 வயதில் : என் தந்தைக்கு எல்லாம் தெரியும்
10 வயதில் : அப்பா நல்லவர் ஆனால் கோபப்படுவார்
14 வயதில் : அப்பா எந்தநேரமும் எதிலும் குறை கண்டுபிடிப்பார்
16 வயதில் : அப்பா காலத்தின் போக்கிற்கு ஏற்றவாறு நடந்து கொள்ள தெரியாதவர்
18 வயதில் : அப்பா சரியான முறைபாடு பேர்வழி
20 வயதில் : அப்பாவால் பெரும் தொல்லையாய் இருக்கிறது
30 வயதில் : (திருமணம் செய்து ஒரு குழந்தைக்கு தகப்பன்) என் மகனைக்
கட்டுப்படுத்த எனக்கு எவ்வளவு கஸ்ரமாக இருக்கிறது.
இவன் வயதில், எனக்கு அப்பாவை கண்டால் பெரிய பயம்
50 வயதில் : என் அப்பா என்னை வளர்க்க எவ்வளவு கஷ்ரப்படிருபர்
55 வயதில் : என் அப்பா எவ்வளவு திட்டமிட்டு, எங்களுக்கு எவ்வளவு
செய்திருப்பார். அவரைபோல் ஒருவரை காண்பது அரிது
60 வயதில் : என் தந்தை மிகவும் பெரியவர்

-சுகவாழ்வு சஞ்சிகையில் இருந்து-

2009-06-18T23:01:00.000-07:00

2009-06-14T23:01:00.000-07:00

தமிழா ! உன் குரல் உலகெங்கும் ஒலிக்கட்டும்

2009-06-10T08:07:00.003-07:00

தாயக மண்ணில்-தினமும்

தமிழரின்

உடல்கள் விதைக்கப்படுகிறன

உயிர்கள் வதைக்கப்படுகிறன

பச்சிளம் சிசுவோ

பட்டினியில் துடிக்கிறது

பள்ளி நாட வேண்டிய வயது

பதுங்கு குழி தேடுறது

வானத்தை பார்த்தாலே

எறிகணை மழைகள்

ஒரு நொடி உற்று நோக்க

உயிர் கூட போகிறது

சட்டத்துக்கு புறம்பான

கனரக ஆயுதம் ஒருபுறம்

வெளிநாட்டு இராணுவம் மறுபுறம்

அந்நியனின் முறைகேடான

ஆக்கிரமிப்பே- எம்மண்ணில்

அவலத்தை தோற்றி

அழவைக்கிறது - இன்று

அழுத விழியில் ஈரமுமில்லை

அழுகுரல் கேட்டு

அணைப்பவர் யாருமில்லை

உதவிக்காக பிறந்த அமைப்புகள்

உலகத்தில் உள்ளதாம்

அதுவெல்லாம் இப்போது

காணாமல் போகும்

கானல் நீராகியதாம்

அமெரிக்காவின் பேச்சுக்கூட

அடங்கி போனதாம்

ஐ.நா வின் குரல்கூட

அர்த்தமற்று போனதாம்

மனித உரிமைகள் கூட

மனித நேயம் இழந்ததாம்

இந்த உலக சட்டங்கள் கூட

இருட்டறை ஆகிவிட்டது

தமிழினத்தை உற்று நோக்க

பொய் வேஷம் போடுகிறது

எதற்காக இந்த மௌனம்

எவருக்குமே புரியவில்லை

தமிழரின் உணர்வலைகள்

ஒருபோதும் அழிக்கமுடியாதவை

இந்த உலகின் மௌனம்

கலைக்கப்படும் வரைக்கும்இ

உலகத்தமிழா.........!

உன் குரல்

உலகெங்கும் ஒலிக்கட்டும்!

உன் தமிழீழம் மலர்ந்திடும்

வரைக்கும்..........

கவலை.....கவலை.....

2009-06-10T08:07:00.001-07:00

கவலை.....கவலை.....காணவில்லை ஈழத்தமிழினத்தை

இருள் சூழ் மேகத்தின் மேல்

பால் நிலவின் வரவுபோன்று"

வெள்ளை மாளிகையில்

மலர்ந்ததுவோ கறுப்பு றோஜாவொன்று"

கானல் நீரதுவோ எம் கனவுகள்

கலைந்து போய்விடுமோ எம் நினைவுகள்"

வெள்ளை மாளிகையில் மலர்ந்த கரும்

றோஜாவிலும் படிந்ததுவோ வெண்பனிகள்"

என்று கரையும் இவ் வெண்பனிகள்

அன்று மலருமோ எம் சுதந்திர ஈழமது"

உண்ண உணவிருந்தும் கரங்கள் எமக்கிருந்ததில்லை

கரங்கள் எமக்கிருந்தும் உண்ன உணவில்லையே"

இதுவா எம் ஈழத்தின் கோளங்கள்

வரைந்திடுங்கள் வரைபடத்தில்

ஈழம் ஒன்று இருக்குதென்று"

அழிகின்றது எம் தமிழினம்

கவலைப்படுகின்றது உலகத்தின் தலைவர் இனம்"

கவலை கவலை என்றிருந்தால்

கடைசியில் தமிழினமே அழிந்துவிடும்"

கவலை எனும் சொல்லை அழியுங்கள் உங்கள் அகராதியில்

கடும் தோனியில் எச்சரியுங்கள் சிங்களத்து பேரரசை"

இனியும் வேண்டாம் பினம் தின்னும் யுத்தமது

இருளில் மறையுங்கள் பேராயுதங்களை"

இனியும் நீங்கள் கவலை பட்டால் இறுதியில்

அழிந்துபோன புறநூற்றுத் தமிழினத்தை

ஆழத்தோண்டி ஆராய்ச்சிதான் செய்ய வேண்டும்"

இன்று நூறு நாளை ஆயிரம் என அழிந்து போகும்

தமிழினமோ இனிவரும் நாட்களில்

விடுதலை வேட்கை !

2009-06-10T08:06:00.000-07:00

வேரோடு பிடுங்கி எறியப்பட்டாலும் !

சுடுகாட்டின் சுவாசம் இருக்கும் வரை

எங்கள் தாய்மண்ணில் விடுதலை வாசம் வீசும் !

ஒவ்வொரு ஈழத்தமிழனும்

புலம் பெயர்ந்து அகதியாய் வாழ்ந்தலும்

அவனுக்குள் இருக்கும் !

தாய் மண்ணின் மீதான உயிர் நேசப்பற்று

விடுதலை வேட்கைகள் அழிந்து போகாது !

அடி மனதில் ஆழமாய் அமிழ்ந்திருக்கும்

"விடுதலை வேட்கை“

ஒவ்வொரு ஈழத்தமிழனின் தனித்துமான திறமையால்

இன்றைய உலகின் மனட்சாட்சியை உலுக்கிறது !

இந்த வேளையில்

நம்மில் சிலர் தாயகத்தின் வலிகளை விற்று

புலம் பெயர்ந்த நாடுகளின்„ குடியுரிமையை“ பெற்று விட்டு !

"அகதி“ என்ற சொல்லை சொல்லவே வெட்கப்படுகின்றார்கள் !

"அகதி“ என்று சொல்லும் போது வலிக்காது

வாழ்ந்து பாருங்கள் வலி தெரியும்.

விளிம்பில் என் இனம்

2009-06-10T08:04:00.000-07:00

திட்டமிட்ட இனச்சுத்திகரிப்பு அரங்கேறுகிறது

சிக்கித் தவிக்கிறது என் தமிழ் இனம்.

என்ன பாவம் செய்தோம் தமிழனாக பிறந்ததை தவிர

அடுத்த சந்ததிக்கு தமிழன் இருந்தான் என்று கூற

மண்டை ஓடுகளும் மனத எலும்புகளும்

நிறைந்த புதை குழிகள் தான் எச்சங்கள்.

மனித நேயம் செத்து மடியும் இந்த நாட்டில்

மர நிழலில் கூட என் உறவுகளுக்கு நிம்மதி இல்லை.

பிழைக்க வந்த பரதேசிக் கும்பல்

என் உறவுகளின் ரெத்தத்தை உறுஞ்சிக் குடிக்கிறது.

தழினத்துக்கு யாரிட்ட சாபம் இது

தெரிந்தால் என் பங்கிற்கு என் இனத்தின்

விடுதலைக்காக மண்டியிட்டு மன்றாடுவேன்.

கோடிகள் கொடுத்து என் இனத்தை குருதியில்

மிதக்க வைக்கிறது இந்த பிணம் திண்ணி அரசாங்கம்.

எத்தனை எதிரிகள் தான் என் இனத்துக்கு

சொந்த நாட்டில் தமிழனை கொன்று குவிப்போம்

என்று கங்கணம் கட்டும் சிங்களவன்

பணத்துக்காக தாய் மண்ணை விற்று

சிங்களவனின் எச்சில் பாதிரத்தை கழுவும் ஒட்டுண்ணிகள்

அயல் நாட்டில் கறுப்பு கண்ணாடிக்குள் அரசியல் நடத்தும்

இனத் துரோகி - அவள் கணவன் மட்டும் தான் மனிதன்

என்று நினைத்து தமிழனை அழிக்க ஆதரவு கொடுக்கும்

வெள்ளைக்கார அரக்கி - எல்லதவற்றையும் மீறி

எவராவது எங்களுக்காக பேசினால்

குரல் வளையை நசுக்கும் அரசியல் சட்டங்கள்.

அத்தனை விலங்குகளுக்குள் என் தலைவனின் படை

வீரத்தமிழனின் படை - வெற்றி வரலாறுகள்

எம்மை நெகிழ வைத்தாலும் இந்த இன அழிப்பு

கலங்க வைக்கிறது - என்ன செய்து என் இனத்தை

மீட்பது - தமிழனின் அழுகுரல் ஒருவருக்கும்

கேட்க வில்லையா - இல்லை கேட்டும் கேட்காமல்

இருக்கிறீர்களா - என் தமிழினம் அழிகிறது.

கொல்வதை விடக் கொடுமை உயிருடன்

புசிக்கிறான் சிங்களவன் - தமிழச்சிகளை

நிர்வாணப் படுத்துகிறான் - குழந்தைகளை கூட

விட்டு வைக்கவில்லை காம வெறித்தனம்

கண்ணகி மார்பை பிய்த்து எறிந்து

மதுரையை எரித்தாள் - இங்கு எத்தனை

கண்ணகிகளின் மார்புகளை அறுத்து எறிகிறான்

பற்றி எரியவில்லையே இந்த சிங்களத் தீவு.

யாரிடம் கதறி அழ - படைத்தவன் கூட

பரதவிக்க விட்டு விட்டானே…

இன்று என் தாயகம் தங்கள் வசம்

என்று வெடி போட்டு பால் சோறு

கொடுத்து கொண்டாடியது கொலை வெறிக் கும்பல்

கொதிக்கிறது உள்ளம் - என் இனத்தைக் கொன்று

அந்த ரெத்தச் சூட்டில் குளிர் காய்கிறது பிசாசுக் கும்பல்.

மறத் தமிழன் அவனிடம் மன்றாட வேண்டுமாம்

இல்லை மடிந்து போக வேண்டுமாம்

நாங்கள் மன்றாடவும் மாட்டோம்

மண்டியிடவுடவும் மாட்டோம்

வீரத்தமிழராக மடிந்து போவோம்…

மீண்டும் முளைத்தெழுவோம்…

பொய் சொல்ல கூடாது காதலி……

2009-06-02T03:53:00.002-07:00

பொய் சொல்லி விட்டு போனாலும்,
என்னை விட்டு போ என்று சொல்ல முடியாமல் நீ….
மெய் என்று நான் உன் காதலை உணர்ந்தாலும்,
உன் மௌனம் அதை மறைக்கிறது கபடமாய்….
என் மனமென்னும் மலரைச் சுற்றி காதல் என்ற வண்டு,
ரீங்காரமிட்டு கொண்டே இருக்கிறது….
வந்தாலும் வந்தாய் கொள்ளைக்காரியாக வந்தாய்…..
என் மனச்சுரங்கத்தில் காதலை வெட்டி எடுத்து
கடத்தும் கொள்ளைக்காரியாக….
அப்படி கடத்தும்போது தான் மாட்டி கொண்டாய் போலும்…
ஏனோ இப்போதெல்லாம் என்னை கண்டு கொள்வதே இல்லை…
நீ கடத்திச் சென்ற காதலை உன் தந்தை பறிமுதல் செய்து விட்டாரா?

நீ ஆசைக் கொண்டாய்…..

2009-06-02T03:53:00.001-07:00

உன் மீது நான் வைத்திருந்த அன்பை
தாராக உருக்கி காதல் சாலையிட்டேன் அன்பே…..
அதில் நீ நடக்கவில்லை…
உன் மீது நான் கொண்ட அக்கறை
யாவையும் மரமாக மாற்றி உனக்கு நிழல் கொடுத்தேன் அன்பே….
அதில் நீ நிற்கவில்லை…
என் மணித்துளிகளைச் சேர்த்து வைத்து
உனக்காக காத்திருந்தேன் அன்பே….
நீ என்னை கண்டுகொள்ளவில்லை…
என் வார்த்தைகளை சேமித்து வைத்து
உனக்காக கவிதை செய்தேன் அன்பே….
அதிலும் நீ மனம் குளிரவில்லை…
ஆனால், உன்னையெண்ணி சிந்திய கண்ணீர்த் துளிகளை
குளமாக்கினேன் அன்பே….
அதில் நீந்த மட்டுமே, நீ ஆசைக் கொண்டாய்…..

உன் பிரிவினில்

2009-06-02T03:51:00.000-07:00

உன் சிரிப்பினில் நான் சிதறிப்போகவில்லை,

உன் பேச்சினில் நான் உருகி விடவில்லை,

உன் தீண்டலில் நான் பிரபஞ்சத்தை தாண்டி விடவில்லை,

ஆனால், உன் பிரிவினில் உணருகிறேன் இவை யாவும்

என்னவளே

2009-06-02T03:50:00.000-07:00

மறந்தேன்

என் நினைவுகளை

உன் நினைவுகளால் !

ஒன்றும் இல்லை

2009-05-29T01:38:00.001-07:00

அள்ளி வீசுகிறாய்
அனைத்துக்குமான உதாரணங்களை
எப்போதாவது உரைத்துள்ளாயா
உதாரணத்துக்கான உதாரணத்தை?
உதாரணம் உண்மையாகில்
உதாரணத்தின் உதாரணம்
உண்மையாகும்தானே?
அதை விடு
எனக்கோ உனக்கோ
என்ன உதாரணம்?
எனக்கு நீயும் உனக்கு நானுமாய்
உதாரணமாவது சாத்தியமாகுமா?
உதாரணங்களின் மூல உதாரணத்தை
உய்த்தறியும்வரை
உனக்கும் எனக்கும்
ஒன்றுமில்லை போ!
ஒன்றுமேயில்லை
போ!போ!

சுழல்

2009-05-29T01:37:00.004-07:00

பூமி சுத்துது
நிலவு சுத்துது
தலை சுத்துது
வால் சுத்துது
அது
இது
எல்லாம்
சுத்திச் சுழலுது
எல்லாம் சுழல்
சுழலே எல்லாம்
பின்
எப்படிப் பிடிபடும்
ஏதொன்றிலுமான
ஏகாந்த நிச்சலனம்?

இல்லாதது...

2009-05-29T01:37:00.003-07:00

எண்ணெல்லாம் எண்ணா?
எழுத்தெல்லாம் எழுத்தா?
எண்ணென்ன எழுத்தென்ன
சொல்லென்ன பொருளென்ன
பேச்சும் மொழியும்
பேச்சும் மொழியும் ஆகுமா?
ம்ஹூம்,
சொல்லெல்லாம் சொல்லாயில்லை
பேச்செல்லாம் பேச்சாயில்லை
எண்ணெல்லாம் எண்ணாயில்லை
எழுத்தெல்லாம் எழுத்தாயில்லை
அட!
இல்லாததுக்குத்தான்
எத்தனை பேர்கள்!

கண்ணுக்குத் தெரியா கடவுள்

2009-05-29T01:37:00.001-07:00

மண்ணுயிர் காக்கும் கடவுள் எனலாம் நுண்ணுயிரை
வெறும் கண்ணுக்கு புலப்படாததாலும்
அங்குமிங்குமெங்கும் நிறைந்திருப்பதாலும்
காத்தல், அழித்தல் இவ்விரண்டையும் கடனே செய்திருப்பதாலும்!

மண்ணுயிருள் மாண்புமிகு மானிடன் எனலாம் நுண்ணுயிரை
விருந்தினன் போல் மெல்ல நுழைந்து பின்
அடிமை சாசனம் நீட்டுவதாலும்
மற்றொரு உயிரை உறிஞ்சி உடல் வளர்த்து உயிர் வாழ்வதாலும் தன் இனத்தினை கூண்டோடு அழிக்க தானே விஷம் சுரப்பதாலும் அப்பாவி, சந்தர்ப்பவாதி, கொடூர ஆட்கொல்லி எனப்
பல வேடம் பூணுவதாலும்

நித்தம் ஐந்து முறை கை அலம்பும் சுத்தக்காரன் அறியான்
தன்னுடல் கோடானு கோடி நுண்ணுயிர் சுமக்கும்
ஓர் உயிரியல் பூங்கா என்று
முத்தமிட்டு மோகம் கொள்ளும் காதலர்கள் அறியார்
இதயங்களுடன் பாக்டீரியாக்களையும் பரிமாறிக்கொள்கிறோம் என்று

கச்சா எண்ணெய் கழிவு கடலில் கலக்காமல் செரிக்கும்
காகம் கூட தீண்டாத எதனையும் உண்டு மக்கச்செய்யும்
தாவரங்களை பூச்சிகளிடமிருந்து காத்து, நைட்ரஜன் ஊட்டும்
மல்லிகைப்பூ இட்லியும், மதிமயக்கும் மதுவும் அளிக்கும்
மனித இனத்தின் சராசரி ஆயுட்காலத்தை நீட்டித்த
பெனிசில்லின் சுரக்கும் கல் தோன்றி மண் தோன்றா
காலத்தே தோன்றிய மூத்த உயிராம்
நுண்ணுயிரின்றி ஓரணுவும் அசையாது அவனியிலே!

சில சமயம்

2009-05-29T01:36:00.000-07:00

தொலைந்து போன
காகிதங்கள்
மீண்டும் கிடைத்தது போல்
மகிழ்ச்சி!

மனசு வெட்கப் படாமல்
சில சமயம்
தனக்குத் தானே
குளித்து கொள்ளும்..

ரகசியமாய்க் கனவை
அடைகாத்து வைத்து
குஞ்சு பொறிப்பது போல்
சில துளி நிகழ்வுகள்..

தங்காது எனத் தெரிந்தும்
தென்றலை சுகிக்கும் மனம்..

எதைக்
கட்டிப் போட முடியும்..
கட்டுப்படுகிறவை
தானாய் விரும்பாமல்...!

தமிழா தமிழில் பேசு

2009-05-29T01:35:00.002-07:00

கடல்கடந்து திரவியங்கள் தேட - நீ
கடல்கடந்து செல்வதெல்லாம் சரியே;
உடல்சுமந்து உனையீன்ற தாயை - நீ
உணர்விழந்து மறப்பதுதான் முறையோ?

தாயை மறப்பதுவும் சரியோ? - அன்னை
தமிழை மறப்பதுவுன் நிலையோ?
பேச இனியமொழி தமிழ்தான்! - அதனைப்
பேசிப் பழகிவிடு தமிழா!

அகத்தியனார் தந்தமொழி தமிழாம் - இச்
சகத்தினிலே சிறந்தமொழி அதுவாம்;
அகத்தினிலே தவழவிடு தமிழை! - அதுதரும்
சுகத்தினிலே திளைத்துவிடு தமிழா!

நாட்டில் பலமொழிகள் இருக்கு - அதிலேநம்
தமிழுக்கே தனிப்பெரும் சிறப்பு!
வீட்டில் தமிழ்பேசு தமிழா! - நீ
விரும்பித் தமிழ்பேசு தமிழா!

மூத்த மொழியென்று சொல்வார் - அதனைநம்
வீட்டு மொழியாக்கிக் கொள்வோம்;
மூத்த குடிமக்களோடு நாம்
தமிழில் உரையாடி மகிழ்வோம்!

தமிழை அமுதென்று சொன்னார் - நீ
தமிழைப் படித்துப்பார் புரியும்!
தமிழெங்கள் உயிரென்றும் சொன்னார் - தாசன்
கவிதை படித்துப்பார் தெரியும்!

வார்த்தை வளமிகுந்த தமிழை - நாம்
வழக்கப் படுத்திக்கொள்ள வேண்டும்!
வழக்கம் மாற்றிக்கொண்டால் - சொற்கள்
வழக் கொழிந்து போகும்!

தாலாட்டு

2009-05-29T01:35:00.001-07:00

பொன்னெடுத்து நிறமெழுதி
பூவெடுத்து மேனிசெதுக்கி
விழியில் கவியெழுதி
விரலில் ஒவியமெழுதி
நாளொரு மேனியும்
பொழுதொரு வண்ணமாய்
வளரணும் வளரணுமே!
ஆராரரோ! ஆரிராரோ!

அறிவுக்குச் சூரியனாய்
அழகுக்குச் சந்திரனாய்
பொறுமைக்கு பூமியாய்
புகழுக்குப் பிறந்தவளாய்
வறுமைக்கு வள்ளலாய்
வீரத்துக்கு விஜயனாய்
வளரணும் வளரணுமே!
ஆராரரோ! ஆரிராரோ!

வலிக்கிறது!

2009-05-27T19:42:00.001-07:00

எனக்கு ஏமாற்றம்
உன்னால் மட்டும் தான் என்று
எண்ணிக் கொண்டிருந்தேன்!...
ம்....
இதில் கூட
என் கணிப்பு தவறிப் போனது!

எதிரினில் நின்றால்
உன்னையே காட்டும்
கண்ணாடி!...

உன்னைத் தவிர
எதையும் எழுதத் தெரியாத
என் பேனா!...

கனவுகளை மட்டும்
பொத்தி வைக்கும்
இதயம்!...

வதைக்கும் நினைவுகளை
மீண்டும் மீண்டும் அசை போடும்
மனது!...

நீ மறுத்த போது வலித்ததை விட
அதிகமாய் வலிக்கிறதுடா!

காதலித்தால்
கையெழுத்து அழகாகும்
என்பதென்னவோ உண்மை தான்!...
ஆனால்
தலையெழுத்து தான்
சிதைந்து போகும்!!!

இருந்தாலும்
எனக்கொரு சந்தேகம்!...
என் தலையெழுத்து
சிதைந்து மட்டும் தான் போனதா!?...
இல்லை ஒரேயடியாக
அழிந்தே போய் விட்டதா!!!???...

இதயத்தினுள் பறந்த
ஆயிரம் பட்டாம் பூச்சிகளையும்
உன் ஒரே வார்த்தையில்
பொசுக்கி விட்டாயே!...

புன்னகைகளை எனக்குப்
பரிசளித்த நீயே
என் இன்பங்களைப்
பறித்துக் கொண்டாயே!....
இது எந்த விதத்தில் நியாயம்????
சொல் அன்பே!!!???.......

சொல்லி விடு!

2009-05-27T19:41:00.003-07:00

உனக்கு என் கவிதைகளின்
அர்த்தம் தான் புரியவில்லை
என்று நினைத்திருந்தேன்!...
ஆனால்
இப்போது தான் தெரிகிறது
உனக்கு புரியாதது
என் கவிதைகள் மட்டுமல்ல
என் காதலும் தான் என்று!

பெண்ணின் மனம் தான் ஆழம் என்பார்கள்!...
உன் மனம் கூட ஆழம் தானடா!
காதலெனும் முத்தை
உன் மனமெனும் கடலிலிருந்து
எடுக்க முடியவில்லையே என்னால்!!!

நீ முறைக்கும் போதும்
அழகாய்த் தெரிகிறாய்!
திட்டும் போதும்
இதமாய் இருக்கிறது!

அன்று திட்டினாயே...
"பைத்தியம்!" என்று...
உண்மை தான்!
உன்னை மட்டுமே
நினைக்கத் தெரிந்த
பைத்தியம் தான் நான்!!!

என் மனது
இன்னமுமா உனக்குப் புரியவில்லை!?
அல்லது புரிந்தும் நடிக்கிறாயா???

உன் நடிப்பைத் தாங்கும் சக்தி
இனி மேலும் எனக்கு இல்லை அன்பே!

ஒரு முறை...
ஒரே ஒரு முறை...
உன் இதழ் திறந்து சொல்லி விடு!
நீ என்னை நேசிப்பதாய் அல்ல.....
நீ என்னை நேசிக்கவில்லை என்றாவது!...

முடிவு தெரியாமல்
தடுமாறும் கதையாய்
என் கதையும் ஆவதில்
எனக்கு விருப்பம் இல்லையடா!!!

உனது நினைவுகளில் தான்....

2009-05-27T19:41:00.001-07:00

உன் காதல் பொய்யாக இருக்கலாம்!...
நீ சொன்ன வார்த்தைகள் பொய்யாக இருக்கலாம்!...
உனது நேசம் வேஷமாக இருக்கலாம்!...
ஆனால்...
நான் உன் மீது கொண்ட காதல் நிஜம்!
உன்னையே உயிராய் நினைத்தது நிஜம்!
உனக்காக உறவுகளை வெறுத்தது நிஜம்!

உண்மைக் காதல் பிரியாது என்பார்கள்
நான் உன் மீது கொண்டது
உண்மையான காதல் தானே!?...
பின் எப்படி எனை நீ பிரிந்தாய்!!??......

"காதலித்துப் பார்!...
கவிதை வரும்!"
என்று வைரமுத்து சொன்னார்!
ஏனோ உனது பிரிவில் தான்
கவிதை வருகிறது எனக்கு!!!

உன் பார்வையில்
பூத்துக் குலுங்கிய நான்...
உன் பிரிவில்
சருகாகிப் போனேன்!

உனது நினைவுகளில் தான்
என் இதயம் இன்னமும்
துடித்து கொண்டிருக்கிறது!
மறந்து விடச் சொல்லாதே!...
இறந்து விடுவேன் நான்!!!

வரம் வேண்டும்

2009-05-27T19:40:00.003-07:00

சோகம்!
நான் காணும் உலகில்…
கழியும் ஒவ்வொரு வினாடிகளில்…
சோகம் என்பது
நிறைந்து உறைந்திருக்கின்றது.

காண்பவை
காணாதவை
கேட்பவை
கேட்காதவை

அத்தனையிலும்
உயிரோடியிருக்கும்
எப்போதும் உயிருள்ள
உயிர்கொல்லும் பொருளாய்
உருவெடுத்திருக்கின்றது.

நான் சுமப்பவை
பிறர் சுமப்பவை
என நீண்டு செல்கின்றது
முடிவிலி வரை.

அத்தனையும் மொத்தமாய்
என்னைச் சுற்றிக் கொல்(ள்)கின்றது.

எதற்காக அழுவது?
எத்தனை முறை அழுவது?

இந்தச் சொட்டுக் கண்ணீர் போதவில்லை
என் சோகம் சொல்லி அழுது வடிக்க.

கடவுளே!
எனக்கு வரமேதும் தரும் எண்ணம்
உனக்கிருந்தால்?

கடல் அளவு கண்ணீர் கொடு.
அத்தனை சோகத்திற்கும் சேர்த்து
மொத்தமாய் அழுது முடிக்க.

குறைந்த பட்சம்
குளமளவாவது கொடு

வழமையாய் நீ தரும்
குறை வரம் போல

உனக்காக உயிர் வாழ்வேன்....!!!

2009-05-27T19:40:00.001-07:00

சரிந்து விடுவேன் நான் என்ற பரிதாபத்தில்
பரிந்து பேசிய உன்னை வெறுக்கவில்லை நான்...!

எதையும் விட்டுக் கொடுக்கும் பெண் - தன்
"அதையும்" விட்டுக் கொடுக்க வருவாளோ சொல்..
சதையும் கதையும் தான் வாழ்க்கையா?
அசையா நம்பிக்கையும், அன்பும், பாசமும் தானே...!

இதை நீ சொல்லி - என்னிடம்
பதை பதைத்து பேசிய போது - நான் ஒரு
கதை கதைக்கவில்லை. அத்தனையும் எனக்கு நீ
விதைக்கும் விதை என்று ஏற்றுக்கொண்டேன்...!

நொந்து நீ சலித்து விடாதே..
வெந்து வெந்து நான் கருகி விடுவேன்.
பந்து போல் நாம் உலகெலாம் உருண்டோடி
வந்து காட்டுவோம், எமது வெற்றிக் கனிகளை...!

அன்று நான் உன்னிடம் சொன்னது போல்
இன்றும் உன்னிடம் திரும்பவும் சொல்கிறேன்,
என்றும் உனக்காக உயிர் வாழ்வேன் - வாழ்விலே
வென்றும் காட்டுவேன் உன் இலட்சியப் படி...!!!

இதுவே நிஜம்...!

2009-05-27T19:39:00.006-07:00

நீ மட்டும்
என்னருகில்
இருந்தால்
நான் விழிகள்
மூடாமல்
உன்னையே
பார்த்துக்
கொண்டிருப்பேன்.

உன் பார்வை
என்மீது பட்டால்
நான் சுவாசிக்காமலே
உயிர் வாழ்ந்து
கொண்டிருப்பேன்

என்னைப் பெயர்
சொல்லி நீ
அழைத்தால்
குயிலே கவிதை
சொன்னாலும்
நான் அதை
வெறுப்பேன்.

நான் தூங்கும்
போதுகூட
கனவிலே நீ
தோன்ற மறுத்தால்
மறுகணமே இறப்பேன்!

பிரிவின் வேதனை

2009-05-27T19:39:00.005-07:00

காதலே வேண்டாம் என்று
என் இதயத்தைப்
பூட்டி வைத்ததேன்
என்னை அறியாமலே என் மனதில்
இடம் பிடித்த காதலியே..

என்னுள் காதலெனும்
செடியை நட்டாய்
இன்று மரமாகி நிற்கும் நாம் காதலை
விட்டுப்பிரிய நினைக்கும்
உன்னைத் திட்டக் கூட
மனமில்லாமல் தவிக்கிறேன்
நான் வாடி மடிந்தாலும்...
நீ வாழ்க என்று....!

நாம் ஒன்றாய் கழித்த அந்த
நினைவுகளை என்
இதயத்தில் செதுக்கி விட்டேன்
என் கனவுகளை
கவிதைகளாக வரைந்து
கண்ணீரில் கரைக்கிறேன்
யாருக்கும் தெரியாமல்
என்னுயிரில் கலந்த
உன்னை மட்டும் பிரிந்து
செல்ல நினைக்காதே......
நானில்லாமல் நீயிருப்பாய்.........
ஆனால்.....
நீயில்லாமல் நானிருக்க மாட்டேன்....!

இதயத் தேடல்

2009-05-27T19:39:00.003-07:00

என் இதமான
இனிமையான இதயமே
என்னிடம் இருக்கும்
உன் இதயம் எனக்கு
என்றும் இனிக்கின்றது

ஆனால்
உன்னிடம் இருக்கும்
என் இதயம் உனக்கு
கசக்கின்றது ஏனோ?

என் இதயம் தாங்கியே!
என் இதயத்தை உடனே
திருப்பித் தந்துவிடு.

என் இதயம் கொடுத்து
வேறொரு இதயம் தேட..

காதலைப்பற்றி சில...

2009-05-27T19:39:00.001-07:00

என் விழியிமையில்
துளிர்விடும் மழை நீயடி
என் நெஞ்சைப்பிளந்தால்
மலர்களாய் கொட்டிடுவாய்

உன் மெல்லிய இதழில்
முத்தமாய் நானிருப்பேன்
உன் வல்லிய பேச்சினில்
சொற்களாய் உடனிருப்பேன்

இசைபாடும் குயில்கூட கூவிட
தயங்கும் உன் பேச்சில்
மல்லிகைத்தோட்டம் வெட்கிகுனியும்
உன்கூந்தல் மலர்களால்

என் எழுதுகோலின்
திரவியமாய் நீயிருக்க
உன் வாய்மொழியின்
தேனமுதாய் நானிருப்பேன்

சாதிமதமொழிய வழிவகுக்கும்
வசந்தமே காதல்
புரிந்துணர்தலின் புலனாய்வு
சாகித்யமே காதல்

புவிஈர்ப்பு விசையினும்
பலம்வாய்ந்தது காதல்
தேக்கு மரத்தினும்
தெம்பானது காதல்

தேனின் சுவையினும்
தெவிட்டாதது காதல்
முக்கனியினும்
முத்திரைபதிப்பது காதல்
ஐம்புலத்தையும்
அடக்கியாள்வதும் காதல்

எப்போது வருவாய்..?

2009-05-27T19:38:00.001-07:00

என் முற்றத்து மல்லிகையே!

எப்போது கலைப்பாய்
உன் மௌனம்?

எப்போது உதிர்ப்பாய்
உன் வார்த்தை?

ஒரு முறை தனியே வா
என் அருகில்..

வெண்ணிலவு துணையிருக்க
நான் உன்னிடம் பேசவேண்டும்

யாரிடமும் சொல்லாத ஒன்றை
உனக்குமட்டும் சொல்ல வேண்டும்

சொல்லிவிடு அன்பே!
எப்போது வருவாய்?

நீயே சொல்லு

2009-05-27T19:37:00.006-07:00

இன்று என்
இனிய பிறந்த தினத்தை
மறந்து விட்டு நீ
கெஞ்சலோடு மன்னிப்புக்கேட்டு
கொஞ்சும் உன்னை நான்
எப்படித் தண்டிப்பது
நீயே சொல்லு...!

அன்று முழுவதும்
கண் விழித்து என்னுடனேயே
உன் இரவைக் கழித்தாயே
உன் அன்பை நான்
எதுக்கு ஒப்பிட முடியும்
நீயே சொல்லு...!

எப்போது வருவாய்..?

2009-05-27T19:37:00.005-07:00

சிறை மீட்டிடு

2009-05-27T19:37:00.003-07:00

சிறகுகள் இருந்தும்
பறக்கத் தெரிந்தும்
அடைபட்டேன் ஒரு
மனக்கூண்டுக்குள்

அடைக்கப்பட்டேனா நான்?
இல்லை.. இல்லை....
நானாகவே அடைக்கலம்
எனறேண்ணி அடைபட்டேன்

அடைந்த பின் தான்
விடைகண்டேன் அது
அடைக்கலமான இடமல்ல
சிறைக்கூடம் என்று

தப்பிக்க நினைத்து
சிறகுகளை விரித்தேன்
ஒடிந்த நிலை கண்டு
முடியாமல் தவிக்கின்றேன்

மடியும் முன்னே அன்பே வா
விடுதலையை எனக்கு தா
என்னை சிறை மீட்டு
உன் கரங்களில் ஏந்தி
கூண்டுப்பறவை இவளை
மீண்டும் பறக்கவிடு
சுதந்திரப்ப பறவையாக

உன் பெயரை...

2009-05-27T19:37:00.001-07:00

உன் பெயரை...
கையினில் எழுதியிருந்தால்
கழுவி இருப்பேன்
தண்ணியோடு நீ
போவென்று

மெய்யினில் பொறித்திருந்தால்
எரித்துன்னை அழித்திருப்பேன்
தீயோடு நீ
செல்லென்று.

உள்ளத்தில் எழுதிவிட்டேன்
உன் பெயரை அன்பே
இனி
உன்னாலோ என்னாலோ
அழிக்க முடியாது

உயிருள்ளவரை நீ
என்னுள்ளே
உயிரோடு கலந்திருப்பாய்.

என் உயிர் தோழி

2009-05-27T19:36:00.003-07:00

சிரித்தால் சிரிப்பதற்கு பலர் உண்டு
பொழுது போக்காக கூடி சிரிக்கவும் பலர் உண்டு
இன்பத்தை மட்டும் பகிர முடிந்தது அங்கு...

இதயத்தை பகிர்ந்துகொள்ள நீ மட்டும்தான்
என் அன்புத்தோழி
எதையும் இழக்க சம்மதிக்கும் ஆழமான அன்பு
வேறூன்றியது என்னுள்...

எத்தனை எத்தனை உறவுகள் வந்தாலும்
உள்ளம் திறந்து உண்மை வடித்து
உணர்வுகள் கொட்டி தோள் சாய்த்திட
உனையே நாடும் என் மனம்!

வருடங்கள் பல கடந்து சந்திக்கும் போதும்
சிறுதயக்கமும் இன்றி உள்ளன்போடு
உறவாட நினைப்பது உன்னிடம் மட்டுமே..

நெஞ்சில் நன்றி சுரக்க கண்ணில் நீர் வடிய
கை கூப்பிகிறேன் மனதில்..
உன் நட்பும் நட்பின் பாதிப்பும் வாழ்நாள் முழுவதும்
என்னோடு நடை போடும்....

காதலிக்கும் போது!...

2009-05-27T19:36:00.001-07:00

கண்களில் விழும் போது
கனவுகள் பிறக்கும்!

ஜாடை பேசும் போது
யாவும் புதிதாய்த் தோன்றும்!

இதயத்துள் நுழையும் போது
இனிமை வரும்!

திருட்டுப் பார்வைகளின் போது - வெட்கம்
தாவி வந்து கட்டிக் கொள்ளும்!

சீண்டிப் பார்க்கும் போது - சினந்தாலும்
சிரித்துக் கொள்ளத் தோன்றும்!

உயிரில் கலக்கும் போது
உணர்வுகள் பூப் பூக்கும்!

இதழ் சுளிக்கும் போது
இதயம் வலிக்கும்!

முகம் திருப்பும் போது
மனம் உடையும்!

தெரிந்தே விலகும் போது – அனைத்தும்
தெவிட்டிப் போகும்!

பேச்சை நிறுத்தும் போது - தூக்கம்
பறந்து போகும்!

முழுதாய் முறிக்கும் போதோ – வாழ்க்கையே
முழ்கிப் போய் விடும்!

உயிரே!....

2009-05-27T19:35:00.004-07:00

உன் பார்வையில்
துடித்த இதயத்தை
ஒரே வார்த்தையில்
நிறுத்தி விட்டாய்!

ஒரே நாளில்
தோற்றுப் போனேன்...
என் வாழ்க்கையை!!!

இறந்து விடத் தான் தோன்றியது!
ஏனோ முடியவில்லை
என் முச்சு நின்று விட்டால்
என்னுள் இருக்கும் நீ
எதை சுவாசிப்பாய் என்ற
தயக்கம் தான் காரணம்!

உன் ஒவ்வொரு புன்னகைகளாய்
சேர்த்து கட்டிய
என் காதல் மாளிகையை
ஒரே ஒரு வார்த்தையில்
நொறுக்கி விட்டாய்!

உனக்கு ஒன்று தெரியுமா!?....
இது வரை நான் எழுதிய
கவிதைகள் அனைத்தும்
என் கற்பனை மட்டும் தான்!
ஆனால்
இந்த கவிதை மட்டும்
உணர்ந்து...
என் உணர்வுகளை பிழிந்து
எழுதியது!

முதல் முதலாய்
வலிகளின் ஆழத்தையும்
வேதனைகளின் வேகத்தையும்
அறிந்து கொண்டேன்...
உன்னால்!
அதற்காக உனக்கு என் நன்றிகள்!

உன்னை மட்டுமே
நினைக்கத் தெரிந்த
என் மனதிற்கு
இப்போதெல்லாம்
என்ன செய்வது
என்றே தெரியவில்லை....

நண்பனாய் தான்
என் வாழ்வில் வந்தாய்!
எப்போது உன்னிடம்
என்னைத் தொலைத்தேனோ...
இன்று வரை தெரியாது!

மன்னித்து கொள்!
நண்பனிடம் காதல் வளர்த்தது
தப்பு தான்!...
அதற்காக இவ்வளவு
பெரிய தண்டனையை எல்லாம்
என்னால் தாங்க முடியாதுடா!...

சின்னதாய் கத்தி வெட்டினாலே
துடித்து போய் விடுவேன்.....
ஆனால் இப்போது
வார்த்தை அம்புகளால்
என் இதயத்தை சிதைக்கிறாய்!.....
உயிரே!
நிஜமாய் வலிக்கிறது....

காத்திருப்பு

2009-05-27T19:35:00.003-07:00

கனவுகளில் தினமும் மிதக்கிறேன்
அங்கே உன் முகம்
உன் வார்த்தைகள் மட்டுமே
எனக்கு கேட்டு கொண்டிருக்கிறது�..

உன்னை பார்த்து பேசிய நாட்கள்
சொற்பமானவைதான் - ஆனாலும்
உன் அன்பை உணர்கிறேன்

உன்னுடைய அந்தப் பார்வையிலே நீ
எனக்காகவே பிறந்தவன் என
புரிந்து கொண்டேன்�

உயிரே என் உறவே
உன்னைத் தேடும் என் கண்களுக்கு
உயிரோவியமாய் நீ வருவதெப்போது?

எம்மிரு கண்களும் உறவாடுவதெப்போது??
என் உயிர் மூச்சு உன் மூச்சோடு கலப்பதெப்போது??
உடலோசை அடங்கி உயிரோசை எழுவது எப்போது??
இந்த கேள்விகளுக்கு விடைதான் எப்போது??

காத்திருக்கிறேன்��..
உன்னிடம் சேர துடித்தபடி காத்திருக்கிறேன்
ஆசை நெஞ்சம் அனலில் வாடியபடி��..
காத்திருக்கிறேன்��

எனது அழகி

2009-05-27T19:35:00.001-07:00

அழகுப் பெண்ணே.
உனக்கு மட்டும்
எப்படி வந்தது இத்தனை அழகு.

பூக்கள் பூக்களோடு மோதி
மொட்டுக்களுக்குள்
வாசனை ஊற்றும் அழகு.

தென்றல் தென்றலோடு மோதி
சோலைகளுக்குச்
சொடுக்கெடுக்கும் அழகு.

உன் கண்களைக் கண்டதும் ஓர்
மின்னல்க்காடு முளைத்தது
என் மௌனத்தின் மனப்படுகைகளில்.

உன் அழகை எழுத
எத்தனிக்கும் போதெல்லாம்
கனவுகள் வந்து
வார்த்தைகளைக் கலைத்துச் செல்கின்றன.

கற்பனைகள் வந்து
என் கவிதையை எடுத்துச் செல்கின்றன.

முத்துக்களை விழுங்கி நிற்கும்
சின்னச் சிப்பியாய்
வெட்கத்தில் புதைந்து கிடக்கிறது
உன் ஆடை.

நீ இமைத்து முடிக்கும்
இடைவெளியில்
கவனித்தவை தான் இவையெல்லாம்.

நீ ஒரு வார்த்தை பேசியிருந்தால்
நான் ஒருவேளை
மூர்ச்சையாகி மடிந்திருக்கலாம்.
இல்லையேல்
முக்தி நிலையில் முடிந்திருக்கலாம்.

எதுவும் நடக்கவில்லை..
ஓராயிரம் வண்ணத்துப் பூச்சிகள்
உற்சாக ஊர்வலம் செல்வதுபோல்
செல்கிறாய்..
எனைக் கடந்து.

என்னைத் தொடர்ந்த
என் சுவடுகள்
இப்போது
என்னை மட்டும்
தன்னந்தனியாய் விட்டு விட்டு
பயணித்துக் கொண்டிருக்கின்றன.

ஒரு நேசம் முடிவுற்றது...

2009-05-27T19:34:00.004-07:00

ஒரு மழைக்காலத்திற்கு
முன்னதாக நிகழ்ந்திருந்தது நம் சந்திப்பு..

கள்ளங்கபடமில்லாத
சின்ன சின்ன உணர்வுகளை கொண்டு
கடற்கரையோரத்தில் மணல் வீடு கட்டும்
இரண்டு குழந்தைகளாய்
மிக மெதுவாய் கட்ட ஆரம்பித்தோம்
நம்மிடையே ஒரு நேசத்தை..

ஆரம்பித்த மழைக்காலத்தின் ஈரங்களில்,
விரும்பி முளைக்கும்
ஒரு விதை போல் வளர ஆரம்பித்திருந்தது
பெயரில்லா அந்நேசம்..

மழைக்காலத்திற்கு பிந்தைய
வறண்ட நாட்களில் காரணங்களே சொல்லாமல்
கொஞ்சம் கொஞ்சமாய் சிறகொடிக்க ஆரம்பித்தாய்
உன் மீதான என் நேசங்களை..

சின்னஞ்சிறு ஏமாற்றங்கள்..
சில பல நிராகரிப்புகள்..
என்னிதயம் தாங்கிகொள்ளமுடியா வலிகள்
என
என்னென்ன உன்னால் முடியுமோ
அத்தனையும் தந்து வேரறுத்தாய்..

என்னை
என் உணர்வுகளை
என் கனவுகளை
என் நேசங்களை
அத்தனையும்..

நீ என் நெஞ்சில் தைத்த
அழகான தேவதை முள்..
அதனால்தான் என்னால் உன்னை
எடுத்தெறிந்துவிட முடியவில்லை..
எடுத்தெறியவும் விருப்பமில்லை..

ஆனால்
நான் உன் செருப்பில் தைத்த முள் போலும்..
அலட்சியமாய் என்னை எடுத்தெறிந்துவிட்டாய்
உனக்கு கொஞ்சமும் வலியில்லாமல்..

உன்னிலிருந்து பிரித்தெறியப்பட்ட
உனக்கான என் நேசம்
கொஞ்ச காலம் துடிதுடித்து
பின் தன்னைத்தானே அழித்துக்கொண்டது..

இதோ அடுத்த மழைக்காலம்
ஆரம்பிக்க போகிறது..
முடிவென்பதேயில்லை என்ற கனவுகளோடு
உயிர்த்த ஒரு நேசம் முடிவுற்றது...

இயற்கை காதலன்

2009-05-27T19:34:00.003-07:00

தென்றலாய் புகுந்து கூந்தல் கலைக்கிறாய்…
மழைத்துளியாய் விழுந்து தேகம் நனைக்கிறாய்...
மலர்களைத் தூவி முத்தமிடுகிறாய்...
நாணத்தால் நான் விலகி சென்றாலும்... விடாது...
உன் குளிர் கரங்களால் என்னை அணைத்துக் கொள்(ல்)கிறாய்.

துரத்துகிறேன்... என்னைத்தான்*

2009-05-27T19:34:00.001-07:00

நிஜத்தைத் தொட
நிழலின் வாலைப்
பிடிக்கிறேன்.

நான் திருப்பித் தீண்டிட
நிழலும்
திருப்பிக்கொள்கிறதே?

கற்பனைக்கு
எல்லை குறிக்கிறேன் - அது
என்னை மீறி
எங்கோ சஞ்சரிக்கிறது...

சுடும் நெருப்பை
அறிந்த பிறகும் - அதுவே
சுகமென - என்
சுட்டு விரலை
கரித்துக்கொள்கிறேன்.

கொடுங்காயங்கள்
நிச்சயமென அறிந்தும்,
விபரீதத்தோடு - நான்
விளையாடுகிறேன்!

ஆற்றுபெறா ரணங்கள்
பெற்றுத் தந்த பாடங்களை
புரிந்து கொள்ள - நான்
துரத்துகிறேன்... விடாது...
என்னைத்தான்.

நான் உன்னைக் காதலிக்கிறேன்!

2009-05-27T19:33:00.003-07:00

உன்னை நான்
எப்போது காதலித்தேன்!?...
எதற்காய் காதலித்தேன்!?....
எந்த நிமிடம் காதலித்தேன்!?...
என்று இன்றும் கூட
எனக்கு எதுவுமே தெரியாது!!!

ஆனால் காதலித்தேன்!
இதுதான் உண்மை!!!

ஏன் காதலித்தாய்?
எதற்காய் காதலித்தாய்?
என்ற உன் வினாக்களுக்கு
எனக்கு விடையும் தெரியாது!

ஆனால் காதலித்தேன்!
இதுதான் உண்மை!!!

உன்னை நான் கேட்டால் - நீ
உன்னை எனக்காய்
தருவாயோ...? இல்லையோ...?
அதுவும் தெரியாது!

ஆனாலும் நான் உன்னைக் காதலிக்கிறேன்!
இதுதான் உண்மை!!!

என்னை நீ மறந்து விடாதே!...
ஏனென்றால் உன் நினைவில்தான்
நான் இன்னமும்
என் பொழுதுகளை எல்லாம்
இன்பமாய்க் கழிக்கின்றேன்!

இப்போதெல்லாம் நான்
கண்மூடி கனவுக்காய்க் காத்துக் கிடக்கிறேன்!...
காரணம் கனவிலாவது
என் காதலைச் சொல்லி விட!

அந்தச் சந்தோசமான
நினைவுகளினால் தானோ என்னவோ
என் வசந்தம் இன்னமும்
சாகாமல் இருக்கிறது!

என் மனத்திரை விலக்கி
என் மனம் திறந்து
உனக்கு உண்மை ஒன்று சொல்லிடவா?

ம்... ம்... நான் உன்னைக் காதலிக்கிறேன்!
இதுதான் உண்மை!!

பேரழகி

2009-05-27T19:33:00.001-07:00

பாயும் அம்பு விழிகள் நீபருவகாலத் தோட்டம் நீவார்த்தை வீசும் தென்றல் நீவசந்த காலப் பருவம் நீஅழகில் ஒரு சிகரம் நீஅறிவில் என்றும் அரங்கம் நீஅழகே என் பேரழகி உன்னை கண்ட நாள் முதலாய்உள்ளம் எந்தன் தொலைந்ததடி.

இதயமே?

2009-05-27T19:31:00.000-07:00

இறக்கப் பிறந்த இதயம் ஏனோதுடிக்கத் துடிக்கின்றதுஉன்னைக் காணும் பொழுதுகளில்உயிர்க்கத் துடிக்கும் இதயம் ஏனோதுடிக்க மறுக்கின்றதுஉன்னைக் காணாத பொழுதுகளில்

மனதில்...

2009-05-22T22:24:00.001-07:00

பார்வையில் பல கதைகள் நான் கிறுக்கிடவே...
உன் வேதனையில் என் மனம் நொருங்கிடவே...
நினைத்தேனா? இவை நடக்கும் என ???

நெருங்கும் போது சோகம் தெரியவில்லை....
நொருங்கும் போதே சோகத்தின் வலி உண்ர்ந்தேன்!!!
நீ இருக்கும் போது உன்னை புரியவில்லை......
பெண்ணே நீ சென்றாய்.....
அன்றே நான் என்னை இழந்தேன்.........

மீட்டிப் பார்க்கிறேன் என்னுடைய நாளேடுகளை...
அங்கே உன் பெயர் தவிர வேறு ஏதும்
என் கண்ணுக்கு அகப்படவில்லையடி....
காதலிக்கும் முன் ஒரு கனம் யோசித்து இருந்தால்..
கதலித்த பின் ஏன் இந்த கலக்கம்.....?

கண்ணை விரும்பினேன்...
உன்னை எனக்கு காட்டி கொடுத்ததால்....
என் உயிரை விரும்பினேன்....
உன்னோடு வாழப் போகிறதே என்பதனால்.....
என்னையே விரும்பினேன்.....
நீ வந்த பின் என்னில் ஏற்பட்ட மாற்றத்தால்......
இவை அனைத்தும் பொய்யானால்...
என்னையே நான் இழக்க நேரிடலாம்....பெண்ணே !!
வந்து விடு பெண்ணே ...என்னிடமே வந்து விடு.........!!!

எங்கே என் காதலி?

2009-05-22T22:23:00.004-07:00

நிலவுப் பெண்ணை
காணப் போகும்
கணத்தை எண்ணி
வெட்கத்தில் சிவந்த
வானம் சிறிதே
எனைச் சிந்திக்க வைக்கிறது.

ஏன் கிடைக்கவில்லை எனக்கொருத்தி?

நான் எழுதும் காதல்
வரிகளின் தீவிரத்தைத்
தாங்கவல்ல பெண்
பிறக்கவில்லையா?
அல்ல எனது வரிகள்
எவளுக்கும் ஏற்றதில்லையா?

இதோ
என்னைப் பற்றிக்
கூறுகிறேன் கேளுங்கள்...

மணிக்கொரு முறை
காதலியை அழகென்று
நான் கூறமாட்டேன்
நீ இல்லாது எனக்கு
வாழ்வில்லை என்று
வழக்காட மாட்டேன்
என் வெற்றிக்கும் தோல்விக்கும்
என்றும் நீயே காரணமென
கூறி எனது 23 வருட
வெற்றி தோல்விகளை
பொய்யாக்க மாட்டேன்
என் பெற்றோரை விட
அவள் முக்கியமென்று
அவளிடமோ, இல்லை
அவளை விட எனது
பெற்றோரகள் முக்கியமென
வீட்டிலோ சொல்ல மாட்டேன்
கணத்திற்கொருமுறை நான் உன்னை
காதலிக்கிறேன் என்று உண்மையை
காற்றோடு கலக்க மாட்டேன்
காதலிக்கிறேன் என்று கூறி விட்டு
பின்னர் புரிந்து கொள்ளத்
துணியும் தைரியமும் எனக்கில்லை,
புரிந்து கொண்ட பெண்ணிடம்தான்
எனது காதலைக் கூறுவேன்.

மேலே சொன்ன சாதாரண
உணர்வுகளை விட
உன்னதமான இடம் என்
உள்ளத்தில் அவளுக்குண்டு

இதற்கெல்லாம் தகுதியானவளை
இன்றல்லா விட்டாலும்
என்றாவது எனக்கு
அறிமுகப் படுத்து.

ஏதோ.........

2009-05-22T22:23:00.003-07:00

விழிகளின் வழி புகுந்த
மின்னல் ஒன்று
என் உள்ளத்தை
லேசாய் வருடிச் சென்றது!

இரண்டே இரண்டு நொடிகள் தான்…
உன்னை நான் பார்த்தது!...
அதற்குள்ளாக
என் இதயத்துள் நுழைந்து விட்டாயா???

அதிசயம் தான்!...

எதுவுமே தெரியாது!...
உன் பெயர்…
உன் வயது…
உன் ஊர்...

நீ தமிழன்
என்பதைத் தவிர!

என்ன நடக்கிறது
எனக்குள்!?

யாரடா நீ!?
என்னுள் இவ்வளவு மாற்றம் தருகிறாயே!...
ஒரே நாளில் மாற்றி விட்டாய்...
என்னை!

உன் முகத்தைக் கூட
முழுதாய் பார்க்கவில்லை!...
ஆனா போதும் மனதில்
ஏதோ ஓர் உயிர்ப்பு!...

இதன் பெயர் என்ன?....
முடிவாய் சொல்லுவதற்கு
எனக்கு என் மனம்
இன்னமும் புரியவில்லை….

ஆனாலும் ஏதோ...
இனம் புரியாத ஏதோ ஒன்று!..............

காத்திருக்கிறேன்!

2009-05-22T22:23:00.001-07:00

என் உதடுகள் எதையோ
உச்சரிக்கத் துடித்தது
என்ன என வினாவினேன்?

அது உன் பெயரைத்தான்..

எனது பேனா எதையோ
எழுதி விடத் துடித்தது
என்ன என வினாவினேன்?

அதுவும் உன் பெயரைத்தான்..

என் உள்ளம் எதையோ
சொல்லிவிடத் துடித்தது
என்ன என வினாவினேன்?

அதுவும் உன் நினைவுகளைத்தான்..

எப்படி எல்லாம் நான்
உன்னைச் சுற்றி வரும்போது
நீ மட்டும்
மௌனக் கடலினுள்
முக்குளித்துக் கிடக்கின்றாய்!

என் கண்ணீரைக் காண்பதில்
உனக்கென்ன ஆனந்தம்…?

என்னை ஏமாற்றி விடுவதில்
உனக்கென்ன பேரின்பம்…?

உன் எண்ணங்களைச் சுமந்தபடி
ஏகாந்தமாய் அழுவது
உனக்கு நன்றாய்த் தெரியும்!

உன் பிஞ்சு உள்ளத்தை
ஓர் முறை
மெல்லத் திறந்து பார்!

அங்கே நிறைந்து கிடக்கும்
காதல் பூக்களெல்லாம்
இன்னமும் வாடாத மலர்களாய்
உன்னைப் பார்த்துச் சிரிக்கும்!

ஒத்துக் கொள்கிறாயா…?

ம்…!
இப்போது சொல்
நீ ஏன் உன்னை ஏமாற்றுகிறாய்…?

ஏன் உள்ளத்தை
சித்திரவதை செய்கின்றாய்…?

இதற்கும் மௌனித்து நிற்கின்றாயா…?

ம்…
நொடிக்கு நூறு முறை
உன் நினைவுகளை எல்லாம்
சுமக்கிறேன்...

எப்படியும்
நீ வருவாய் என்ற நம்பிக்கையில்
உனக்காகக் காத்திருக்கிறேன்!

நட்பு வேண்டும்

2009-05-22T22:19:00.000-07:00

மழலைப் பருவத்தில்
பார்த்து வியக்க
ஒரு நட்பு...

குழந்தைப் பருவத்தில்
ஓடி விளையாட
ஒரு நட்பு...

காளைப் பருவத்தில்
ஊர் சுற்ற
ஒரு நட்பு...

வாலிபப் பருவத்தில்
பேசி ரசிக்க
ஒரு நட்பு...

முதிர்ந்த பின்
அனுபவங்களைப்
பகிர்ந்து கொள்ள
ஒரு நட்பு...

நட்புகள் ஆயிரம் இருந்தும்
நட்பின் தேவை குறையவில்லை...

தேவையின் போது
தோள்களில் சாய
நட்பு வேண்டும்...

துன்பத்தின் போது
கண்ணீர் துடைக்க
நட்பு வேண்டும்...

மகிழ்ச்சியின் போது
மனம் மகிழ
நட்பு வேண்டும்...

நானாக நானிருக்க
நட்பே...
நீ எனக்கு
நட்பாக வேண்டும்..

காதல் கவிதை... ... ...

2009-05-22T02:13:00.001-07:00

காதலனே...
உனக்காக பிறந்தேன்
உனக்காக வாழ்கிறேன்!
தினந்தோறும் - உன்னை
பார்த்தாலே பரவசம் - என்
நெஞ்சினிலே... என்
காதல் சாம்ராஜ்யத்தில் நீயே என்
ராஜா!

தாஜ்மகால்
காதல் கோட்டை ஆக கட்டிவிட்டேன்
மனசுக்குள்ளே!

நேருக்கு நேர்
சொல்லாமலே - உன்னில்
ப்ரியம் வைத்தது
இதயம்! - உன்
முகவரி தெரிந்ததும்
சந்தோசத்தில்
ரோஜாகூட்டம் மலர்ந்தது - என்
நெஞ்சினிலே! என் தோட்டத்து
புவெல்லாம் உன் வாசம் - உன் தோட்டத்து
புவெல்லாம் கேட்டு பார் - என்
மனசு சொல்லும்!

காதலர் தினம் அன்று
நீ வருவாய் என
குஸி ஆக
ரெட்
ரோஜா உடன் காத்திருந்தேன்!

மனம் விரும்புதே உன்னை - என
சொல்ல துடிக்குது மனசு - காரணம் நீ
நல்லவன்
அழகன்
ஜென்டில் மன் - முக்கியமாக
தமிழன்! என்
மன்னன்
ஆச. சுழஅநழ - எல்லாமே நீ...அதனாலே
உன்னிடத்தில் என்னை கொடுத்தேன்!

என்றென்றும் காதல் வாழ்ந்தால் - என்
துள்ளாத மனமும் துள்ளும்!
உன்னுடன்
ஜோடி சேர்ந்து
உயிரோடு உயிராக
அமர்க்களமாய் வாழத்தான்
ஆசை! என்
காதல் அழிவதில்லை - என்றும்
தொடரும்!

வசீகரா! உன்
பார்வை ஒன்றே போதுமே நான் வாழ.
கண்ணோடு காண்பதெல்லாம் நீ!

ஐ டழஎந ர டா - என்
காதல் மன்னா - இந்த
பெண்ணின் மனதை தொட்டு
காதல் கலாட்டா செய்தாய் - என்
இதயக்கோவில் இல் - உன்
மௌனராகம்!

ஆசையில் ஒரு கடிதம்
காதல் கவிதையுடன் எழுதுகிறேன்!
என் சுவாசக்காற்றே... என்
காதலுக்கு மரியாதை செய்து - உன்
காதலி ஆக்கி,
என்னவளே...
இனியவளே...
பிரியமானவளே என அழைப்பாயா?

Once more

I love you dah?.

ப்ரியமுடன் -

எப்படி!?...

2009-05-22T02:12:00.005-07:00

மறந்து விடச் சொன்னாய்!...

என் நாட்குறிப்பேட்டில் இருந்து
உன்னை பற்றிய குறிப்புக்களை
அழித்து விட்டேன்!

எனது நாட்களில் இருந்து
உனக்காக
நான் ஒதுக்கிய நிமிடங்களை
நீக்கி விட்டேன்!

உனது கடிதங்கள்…
உனது புகைப் படங்கள்…
உனது கவிதைகள்…
அனைத்தையும் எரித்து விட்டேன்!

ம்....
மன ஏட்டில் இருந்தும் கூட
உன்னை நீக்குவதற்கு
முயற்சிகள் நடக்கிறது!…

ஆனால்....

நானே உன்னைப் பற்றிய
நினைவாகும் போது
என்ன செய்து என்ன!?...
மறப்பது எப்படி சாத்தியமாகும்!?......

நீ அழைத்த என் பெயர்!…
நீ ரசித்த என் புன்னகை!…
நீ தீண்டிய என் விரல்கள்!…
நீ கோதிய என் கூந்தல்!...
நீ முத்தமிட்ட என் இதழ்கள்!…
நீ நேசித்ததாய் சொன்ன என் இதயம்!...

இப்படி – "என்"
அனைத்திலும்
நீ!…
நீ!…
நீ மட்டும் தானேடா
இருக்கிறாய்!

பின் எப்படியடா
உன்னை நான் மறக்க முடியும்!?......

காதல் என்பது யாதெனில்...

2009-05-22T02:12:00.003-07:00

எனக்கு பிடித்தவைகளே
உனக்கு பிடிக்கவேண்டும்
என்பதல்ல காதல் . . .
உனக்கு பிடிக்காதவைகள்
எனக்கு பிடித்திருந்தும்
என்னை பிடிக்கும் என்பாயே
அதுவே காதல் !

உன்னை பற்றி நானும்
என்னை பற்றி நீயும்
தெரிந்து கொள்வதல்ல
காதல் . . .
நம்மைப் பற்றி நமக்கே
தெரியாதவைகளை
தெரியவைப்பதே காதல் !

எல்லைகளை மீறுவதல்ல
காதல் . . .
நமக்குள் எல்லையே இல்லாமல்
இருப்பதே காதல் !

கற்பு நெறிக்கு உட்பட்டதல்ல
காதல் . . .
கற்புக்கு நெறிமுறைகளை
வகுத்ததே காதல் !

நட்பை விட உயர்ந்ததா தாழ்ந்ததா
என்பதல்ல காதல் . . .
நட்பை தன்னை விட உயர்ந்த
இடத்தில் வைத்து பெருமைப்படுத்துவதே
காதல் !

மொழிகளால் உணர்ந்து
கொள்ளக்கூடியதல்ல காதல் . . .
உணர்வுகளின் மொழியே
காதல் !

இதுதான் உண்மை...

2009-05-22T02:12:00.001-07:00

வடதிசை தெந்திசை
என உலகம் சுற்றும்
என் கவி உன் இதயம்
தொடாது போனதேன்?

என் இதயம்
முழுவதும் நீயாய்
இருக்கிறாய்...
உன் இதய ஓரத்திலேனும்
நான் இருக்குறேனா?

உள்ளே எப்படி வந்தாய்...
உயிருக்குயிராய் எப்படியானாய்...
இது என்ன மாயம் பெண்ணே?

உனக்கு தெரியாமல்
நித்தமும் உன் முகம் பார்க்க துடிக்கிறேன்
முடியாக போது கண்மூடி உன்முகம்
என்னுள்ளே தேடுகிறேன்....!

ஒருசில சந்தர்ப்பங்களில்
உயிர்தொட்ட உன் பார்வையால்
இறந்து போகிறேன்
இறப்பு துயரமானதுதான்
இருந்த போதும் - நீ
எடுத்து தந்தால்
ஏற்றுக்கொள்கிறேன்!

நீ என்னை விரும்ப வேண்டாம்
"நான் உன்னை விரும்பினேன்"
என்பதை மட்டும் அறிந்துவிடு

மனதுக்குள் மறைத்துவைத்த காதலை
தயக்கமில்லாமல் சொல்லிவிட்டேன்
உண்னைத்தவிர எல்லோரிடமும்..

உன்னிடம் எப்போதும் போல் என்னால்
பேசமுடியாத நிலை,
உன்னால் மட்டும் எப்படி முடிகிறது
எதுவும் தெரியாதது போல் நலம் விசாரிக்க..

கொடுத்துவிடு உன்னை
முழுமையாக என்னிடம்
வாழ்ந்திடுவேன் உன்னுடன்
என் வாழ்நாள் முழுவதிலும்...

இன்னொரு நாள்
இன்னுமொரு நாள்
இப்படியே இன்னும்
எத்தனை நாள்
நான் காத்துக்கொண்டிருப்பது...?

இறைவனிடம் ஒரு கேள்வி.....
அவளிற்காக எனை படைத்தாயா....?,..இல்லை
எனக்காக அவளை படைத்தாயா.....?
ஏனோ நிதம் எரிவது நானே.....விடை தருவாயா?

என் கனவுகளை
கவிதைகளாக வரைந்து
கண்ணீரில் கரைக்கிறேன்
யாருக்கும் தெரியாமல்
என்னுயிரில் கலந்த
உன்னை மட்டும் பிரிந்து
செல்ல நினைக்காதே......
நானில்லாமல் நீயிருப்பாய்.........
ஆனால்.....
நீயில்லாமல் நானிருக்க மாட்டேன்....!

பெண் மேல் காதல் கொண்டால் சரியா தவறா - இல்லை
பொன் மேல் காதல் கொண்டால் சரியா தவறா

பிறப்பினில் ஆசை கொண்டால் சரியா தவறா - இல்லை
இறப்பினில் ஆசை கொண்டால் சரியா தவறா

மண்ணில் பற்று கொண்டால் சரியா தவறா - இல்லல
விண்ணில் பற்று கொண்டால் சரியா தவறா

பொய் தனை கைக்கொண்டால் சரியா தவறா - இல்லை
மெய் தனை கைக்கொண்டால் சரியா தவறா

பெண்ணென மகிழ்ந்து கொண்டால் சரியா தவறா - இல்லை
பெண்ணென நெகிழ்ந்து கொண்டால் சரியா தவறா

வாழ்வை எண்ணி என்னுள் அழுது கொண்டால் சரியா தவறா - இல்லை
சாவை எண்ணி என்னுள் சிரித்துக்கொண்டால் சரியா தவறா

நான் உன்னை மணந்து கொண்டால் சரியா தவறா - இல்லை
நான் என்னை மடித்துக் கொண்டால் சரியா தவறா

அன்பே!!!!!!!!

உன்மேல் காதல் கொண்டால் சரியா தவறா - இல்லை
மண்மேல் காதல்கொண்டால் சரியா தவறா

தவறு என்றால் தவித்திடும் என் ஜீவன்
அன்பே!!!

நீ செய்வது சரியா? தவறா?

உனைத்தேடும் என் விழிகள்!

2009-05-22T02:11:00.001-07:00

என்னுயிரே!
எங்கே இருக்கிறாய்?
எப்படி இருக்கிறாய்?
எப்போதும் தப்பாமல்
உனைத்தேடும் என் விழிகள்!

இரவென்றும் பகலென்றும்
கரம் கோர்த்த நிமிடங்கள்
வரமென்று நான் நினைத்து
வலம் வந்த பொழுதுகளே!

சத்தியத்தை காப்பாற்ற
பத்தியமாய் மௌனிக்க
பத்திரமாய் வளர்ந்த நேசம்
பாதியிலே சிதைந்தங்கே!

நாடி நரம்பினிலும்
ஓடி வரும் ரத்தத்திலும்
பாடித் திரிந்ததெல்லாம்
ஓடி நாளும் நிறைகிறதே!

வாடி நிற்கும் போதெல்லாம்
தேடி நீயும் ஓடி வந்து
கோடி சுகம் தந்திடவே
தேடி நானும் நிற்கின்றேன்!

கோடி முறை பிறந்தாலும்
தேடி நானும் ஓடி வந்து
கூடி ஒன்றாய் களித்திடவே
தேடி நிற்கும் என் விழிகள்!

என்னுயிரே!
எங்கே இருக்கிறாய்?
எப்படி இருக்கிறாய்?
எப்போதும் தப்பாமல்
உனைத்தேடும் என் விழிகள்!

என் விழியில் நீ!

2009-05-20T21:39:00.001-07:00

ஒத்த துருவங்கள்
ஒன்றையொன்று
ஒதுக்கித் தள்ளுமாமே!

எதிர் துருவங்கள்தான்
ஒன்றையொன்று
ஈர்த்துக் கொள்ளுமாமே!

அப்படியானால்
நீயும் நானும்
எதிர் துருவங்களாக
இருந்ததினால் தானே
ஏதோ ஒரு விதத்தால்
ஈர்க்கப்பட்டோம்…?

ம்…
நீ பேசாத பொழுதுகள் எல்லாம்
வானின் நீல நிறம் மாறி
காற்றில்லாத பொழுதாக…
கண்விழிக்கும் போதெல்லாம்
கண்முன்னே தோன்றும் வெறுமைகள்!

ஓ…!
இருவர் ஒருவராகி…
குளிர் தோய்ந்த காலை!
இளம் தென்றல் தழுவிய மாலை!
பால் நிலா நனைந்த இரவு!
கால் நனைத்த கடற்கரை!

ம்…!
மழை விட்ட பின்பும்
மரக்கிளையில் இருந்து
தூறும் தூவானமாய்…

என் மனசுக்குள் இருந்து
முட்டி மோதும்
உன் நினைவுகள் எல்லாம்
இன்றும்
இந்த வான் மோதி
தெறித்து விழுகிறது!

இதோ பார்
இந்த ஊரே உறங்கிக் கொண்டிருக்க
நானோ உன்னைச் சுற்றி
ஊர்வலம் வருகின்றேன்!

என் மூளையில்
முளைத்து கிடக்கும்
கோடான கோடி நியுரான்களிலும்…

ஏன்
ஐம்புலன்களிலும்
உந்தன் நினைவுகளையே
அடைத்து வைத்து
தினமும் நிம்மதி அடைகின்றேன்!

என் விழியில் நீ!
அதனால்
உன்னையே சுற்றி சுற்றி வருகிறது
இந்த காற்றாடி மனசு!

உன் பார்வைகளை..

2009-05-20T21:38:00.001-07:00

காலம்
உன்னை எனக்கு
அறிமுகம் செய்தது
நீ எனக்குக்
காதலை
அறிமுகம் செய்தாய்....

எனக்காக இல்லை...
என்று தெரிந்தும்
எடுத்து பத்திரமாய்
சேமித்து வைக்கிறேன்...
நீ பாதையோரமாய்
வீசிச் செல்லும்
உன் பார்வைகளை..

வந்துப் போனது
நீயா....
என்று திரும்பி பார்க்கிறேன்
கேசம் கலைத்துச்
சென்ற காற்றின்
திசை நோக்கி...

உன் கோபம்
எனக்குப் பிடிக்கிறது
அதன் இலக்கு
நானாக இருப்பதினால்...

ஒதுங்கிச் சென்றாலும்
அடிக்கடிச் சந்தித்து
சித்ரவதைச் செய்கினறன
உன் பார்வைகள்

பார்வைகளால்
பேசியது போதும்
இதழ்களால்
ஓரிரண்டு வார்த்தைகள்
எழுதக் கூடாதா?

ம்ம்ம்
என் நிழலுக்கு
கிடைத்தப் பாக்கியம்
எனக்கு இல்லை
உன் நிழலைத்
தழுவிய படி
என் நிழல்

பிரியனால் செதுக்கப்பட்டது..

உயர்வானவளே…!

2009-05-20T21:37:00.003-07:00

என் கண்களே
எனக்குப் பிடித்த
ஒளிப்பதிவுக் கருவி

காரணம்
அதற்கு உன்னை
மட்டுமே
பிடிக்கத் தெரியும்

*

என் பல
முத்தங்களுக்கு
சில முத்தங்களையே
திருப்பித்
தந்திருக்கிறாய் நீ

உன்னை என்னிடம்
இழப்பதற்காகவா
முத்தக் கடனில்
மூழ்கிக் கொண்டிருக்கிறாய்

*

கவிதை என்று
யார் கேட்டாலும்

உன் பெயர்
சொல்வேன்

உன் பெயர்
என்னவென்று
எவர் கேட்டாலும்

நான் எழுதாத
காவியம்
என்பேன்

*

என்னை எழுத
வைத்தவள்
நீ என்றாலும்

நான்
கவிஞனானது
உன்னை அழைத்து
அழைத்துத்தான்

*

உன்னைப் பற்றி
எழுத
நினைத்தபோதெல்லாம்

எழுதிக்
கொண்டேயிருந்தேன்

உன்னை விட
எழுத நினைத்தேன்

எழுதுவதையே
மறந்துவிட்டேன்

உனக்கே உயிரானேன்…!

2009-05-20T21:37:00.001-07:00

என்னை நீ
வாசிக்காமல் போனதில்
கவலைப்பட்டதில்லை நான்

உனக்காகவே
என்னை மொழியாக்கி
எழுதிய கவிதையை நீ
கிழித்தெறிந்ததில்தான்

கண்ணீர் சிந்தினேன்
உன்னால் முதல்தரம்

*

என் கவிதைகள்
அப்படி என்னதான்
பாவம் செய்தது

உன்னால்
பாவமாக்கப்பட்ட
எனக்கு
பிறந்ததை தவிர

*

உன்னைச் சுமந்தே
சுமைதாங்கியான
என் இதயம்

ஏன்
நீ இறங்கியதும்
இப்படி ஒற்றைக்
காலில் நிற்கிறது

*

யார் யாரோ என்னை
பறித்த போதெல்லாம்
உன்னோடுதானே
இருந்தேன்

எப்படி முடிந்தது
என்னை வேரோடு
பிடுங்கி
எறிந்துவிட்டு போக

*

என்னைப்போல்
உனக்காக
யாருமில்லை என்றாய்

உண்மைதான்
உன்னைப்போல் யாரும்
என்னை பொய்சொல்லி
ஏமாற்றியதில்லை

இனியவளே…!

2009-05-20T21:36:00.001-07:00

இனியவளே..
என் காதலை சொல்ல ஒன்றுக்கு
மூன்று பூக்கள் பறித்து வந்தேன்
ஏதேனும் ஒன்றாவது வாடாமல்
இருக்குமென்று

என்ன அதிசயம் பூவான
உனைக் கண்டவுடன் எல்லா
பூக்களும் சிரிக்கிறது

***************************
அழகான பூவாக
இருந்தாலும்
பூக்கடையில் பூ
வாங்க பிடிக்காது

அவர்கள் யாரை
நினைத்து பறித்தார்களோ
யாருக்கு தெரியும்

*************************
தயவு செய்து
என்னை கவிஞன்
என்று எப்போதும்
ஏற்றுக்கொள்ளாதே
ஏனெனில்

ஒவ்வொரு தடவையும்
நான் உண்மை சொல்லும்
போதும் உன்னிடம் உண்மை
சொல்லவாவென கேட்டு விட்டு
சொல்ல வேண்டி வரும்

***********************

என் நம்பிக்கைதான் நீ என்று சொன்ன

பின்னும் உன் வாழ்க்கையை தர மறுத்தால்

நம்பிக்கைதான் வாழ்க்கை என்பது பொய்த்து

விடுமல்லவா நீயே சொல்…….

தொட்டால் சிணுங்கி

2009-05-20T21:35:00.005-07:00

உன்னைக் கண்டவன்
கண்களுக்கு கண்டதில்
எல்லாம் நீ

*

நான்
சுட்ட கவிதை
உன் பெயர்
யாரும்
சுடாத கிறுக்கல்
என் பெயர்

*

உன்னோடு புடவைக் கடைக்கு
வந்தால் நான் தலையாட்டும்
பொம்மையாகிவிடுகிறேன்

நீதான்
எந்த சேலையிலும்
அழகாய் இருக்கிறாயே

*
உன் கண்களைத் தானம்
கொடுக்க விரும்பினால்
ஊமைப் பெண்ணுக்கு கொடு
அவளும் வாயாடியாகட்டும்

*

உனக்கு எந்த சேலையும்
அழகுதான் அதைவிட அழகு
சேலை கட்டும் போது நீ

நினைவில் ஒரு காதல்

2009-05-20T21:35:00.003-07:00

காதலைவிட
காதலர்களே
உனை அதிகமாய்
நினைவு படுத்துகிறார்கள்*

நீ
வாசிக்கிறாயோ
இல்லையோ உன்னால்
பலர் வாசிக்கிறார்கள்
என் கவிதைகளை

*

நீ
அறிவாளிதான்
எழுத்துப் பிழைவிட்ட
என் கவிதைகளை கண்டும்
சுட்டிக் காட்டாமல்
வாசிக்கிறாயே

*

எனக்கு கிடைக்காமப்
போன அழகான பரிசு நீ
உன்னால் கிடைத்த அசிங்கமான
பரிசு என் பேனா

*

உனக்காக எழுதிய
கவிதைகளை
மறந்துவிட்டேன்

உன்னால் எழுதிய
கவிதைகளைத்தான்
ஞாபகம் வைத்திருக்கிறேன்

தயவு செய்து
நான் மறந்ததையாவது
வந்து ஞாபகப்படுத்திவிட்டுப்
போ..

மறுபடியும் நான்
காதலனாக வேண்டும்

எப்படிச் சொல்வேன் காதலை

2009-05-20T21:35:00.001-07:00

காலைக் கட்டிக் கொள்ளும்
மழலையை
விலக்கி விட்டு
அலுவலகம் விரைவதாய்
கனக்கின்றதன
நீ
கையசைத்து விலகும் மாலைகள்.

மீண்டும் சந்திக்கும்
காலைகளில்
பொம்மை கிடைத்த
மழலை போல
பளீரிடுகின்றன உன் கண்கள்.

தேவதைக் கனவுகளில்
விளையாடும்
ஓர்
மழலையின் புன்னகை
உனக்கும் வாய்த்திருக்கிறது.

ஒரு
மழலையிடம் எப்படிக்
காதலைச் சொல்வதென்று
தெரியாமல் கழிகிறது
என் இளமை.

காதலை காதலிக்கின்றேன்...

2009-05-20T21:34:00.002-07:00

மறக்கத்தான் தோணவில்லை
அவள் மடியில் சாய்ந்திருந்த நொடியை..
நினைக்கத்தான் முடியவில்லை
அவள் பிரிந்த அந்த நொடியை...
இடியாய் ஒலிக்கும் அவள் பிரிவு
மின்னல் ஒளியாய் வரும் அவள் நினைவு..
எதிர்காலம் இல்லாதவனாய் இருக்கின்றேன்
இருந்தும்
இன்னும் நெஞ்சில் காதல் வளர்க்கின்றேன்,
என்னைப் போல் ஒருத்தி
காதல் காடு தேடி வருவாள் என்று...
யாருமில்லா அறைக்குள் நான் புலம்பும் ஓசை
நான் மட்டும் கேட்கின்றேன்...
நாளைய விடியிலலாவது

இனியவளே…!

2009-05-20T21:34:00.001-07:00

என்னோடு நடந்து வந்த நட்பு
ஏன் உன்னைக் கண்டதும் ஓடி
ஒழிகிறது ஓ… அவ்வளவு
பயமா காதலுக்கு

*

காதலைக் காட்டிக் கொடுக்காதேயேன்று
அதிகமாய் என்னிடம் உன்னைப் பார்க்கும்
போதுதான் குட்டு வாங்கிகிறது என் மனம்

*

நீ கெஞ்சிக் கெஞ்சிக் கேட்டும்
சொல்ல தயங்குகிறேன் என்
முதல் கவிதை உன் பெயர் என்று

*

ஒரு காதல் பறவை என் மேல்
உட்கார்ந்து ரசித்துக் கொண்டிருக்கிறது
என் நட்பென்ற தொடர் நாடகத்தை.

உயர்வானவளே…!

2009-05-20T21:33:00.004-07:00

என் காதலின்!

2009-05-20T21:33:00.003-07:00

என்னோடு நீ
எனை வாசிக்கும்
போது

என் காதலின்
கேள்விக் குறியை
நீ காண்பதே இல்லையா?

என் கனவே நீதான்..!

2009-05-20T21:33:00.001-07:00

இதயத்தில் நீ..!

2009-05-20T21:31:00.000-07:00

நீ சிரித்துக் கொண்டே
இருந்த உன் நிழல்படம்

அழகான கையெழுத்தோடு
உன் வாழ்த்து அட்டைகள்

எழுத்துக்களை மிச்சம்பிடித்து
நீ எழுதியனுப்பிய கடிதங்கள்

ஆழமாக அழுத்தி அழகாக
எழுதிய உன் கவிதைகள்

உன் அவசர மின்னஞ்சல்கள்
உன் ஆறுதல் குறுந்தகவல்கள்

இப்படி நீ அனுப்பிய
அத்தனையும் அன்று
நான் அழித்துவிட்டு
வீரனாய் பெருமை
கொண்டபோதும்

இன்றும் என்னால் உன்னை
என் இதயத்தில் இருந்து
இறக்கமுடியாமல் போவதில்
கோழையாய்த்தான் வாழ்கிறேன்

கவிதை என்கிறாயே!

2009-05-19T02:02:00.003-07:00

ஒரு வேளை
நீ கூட கவிப்பேரரசியாக
ஆனாலும் ஆகக்கூடும்
ஏனென்றால்?

நேற்று
என்னைக் காதலிக்கிறேன்
என்று சொல்லிவிட்டு

இன்று
அதைக் கவிதை
என்கிறாயே.

அன்புடன்...
யாகுலன்

இதயமானவளே…

2009-05-19T02:02:00.001-07:00

காதலித்தால் இதயங்கள்
இடம் மாறுமாமே வா
இதயங்களை மாற்றிவிட்டு
காதலித்து பார்ப்போம்

*

நான்
வார்த்தை தேடி
அலைந்தபோது
வந்து கிடைத்த
கவிதை நீ

*

பயந்து பயந்துதான்
உன்னை என் அம்மாவுக்கு
அறிமுகப்படுத்தினேன்

அவா
உன்னை ஆலாத்தி எடுத்து
வரவேற்பா என்று தெரியாமல்

*

வறண்ட பூமியை
விட நீ வைத்திருக்கும்
குடைதான் மழைக்காக
தவிக்கிறது

*

உலகம் அழியும் நாளில்
நான் உயிரோடிருந்தால்

தற்கொலையாளியாய்
உன் மேல் பாய்ந்துதான்
என்னை அளித்துக் கொள்வேன்

அன்புடன்...
யாகுலன்

எனக்கானவளே…!

2009-05-19T02:01:00.000-07:00

எல்லாருக்கும்
பிடிச்ச
கவிஞனாக நான்

எனக்குப்
பிடிச்ச
கவிதையாக நீ

*

எனை வாசிக்கத்
தொடங்குகிறாய்

என் பிழைகளை
நீக்கத் தொடங்குகிறது
காதல்

*

நிலாவாகிறாய் நீ
வானமாகிறது காதல்

வானமாகிறாய் நீ
தேய்பிறையாகிறேன் நான்

*

நிலாவாய் வந்து
மறைகிறாய்

எனை காயவைக்க
உதிக்கிறது சூரியன்

*

தேயத் தேய
என்னை எழுத வைத்துக்
கொண்டிருக்கும் கவி நிலா நீ

அன்புடன்...
யாகுலன்

காத்திருப்பு......

2009-05-19T01:58:00.002-07:00

நித்திரைக்கு தவம் கிடப்பது கூட
கனவில் நீ வருவாய் என்றுதான்....

உன் வருகைக்காய் வரையரையற்று பாத்திருக்கின்றது
என் விழிகளின் காத்திருப்பு......

வாசம் வீசும் பூக்களைப்போல் உன் வார்த்தைகளின் பரிசங்களும்
எனக்கு வசந்தகாலம் தான்......

ஆசை பூர்த்த பார்வைகளால் எனை ஆட்சி செய்யும் உன் செல்ல கண்டிப்பும்
தனிமையில் எனக்கே தண்டனைகளாகின்றன..........

ஜென்மங்கள் ஈரேழும் நம் பந்தங்கள் தொடர
எனக்கென்றும் நிரந்தரம் எனைவிட்டு பிரியாத உன் நினைவுகளே............

அன்புடன்...
யாகுலன்

அன்பே!?.....

2009-05-19T01:58:00.001-07:00

முகம் பார்த்ததும்
அகம் தொலையும் என்பதில் எல்லாம்
எனக்கு நம்பிக்கை இருந்ததில்லை!....

அன்று உன்னைப் பார்க்கும் வரை!

முழு வெள்ளையில்
கையில் ஒற்றை ரோஜாவுடன்
துரத்தில் வந்த என்னை
அடையாளம் கண்டு சிரித்தாயே….
அப்போது தான் என் மனது
லேசாய் ஆட்டம் கண்டது!

அருகில் வந்ததும்
ரோஜாவை நீட்டிய படி
லேசாய் குனிந்து
“நான் உன்னை நேசிக்கிறேன் கண்மணி!”
என்ற போதோ முழுதாய் விழுந்து விட்டது!

அதற்கு முன்பும்
எத்தனையோ முறை
பார்த்துக் கொண்டிருக்கிறோம்!
சண்டை கூடப் போட்டதுண்டு!

அப்போதெல்லாம் நானாய் இருந்த நான்
நீ நேசிப்பதாய் சொன்ன நொடியிலிருந்து
வேற்றாளாய்ப் போனேன்!

என்ன தான் “ஒன்றுமே இல்லை!” என்று
தலையைத் திருப்பிக் கொண்டாலும்
உள்ளத்திலிருக்கும் உண்மை
மாறாதல்லவா!

விலகி விலகிப் போனாலும்
என் உள்ளம்
ஓடி ஓடிப் போய்
உன்னைக் கட்டிக் கொள்வதைத்
தடுக்க முடியவில்லை!

சிறிதாய் விழுந்த காதல் வித்து
கப்பும் கிளையும் விட்டு
ஆல மரமாய்
என்னுள் வளர்ந்து நிற்கிறது!

அன்று மறுத்த போது
காத்திருப்பேன் என்று சொல்லிப் போனாயே....
இப்போதும் காத்திருக்கிறாயா
அல்லது
மறந்து விட்டாயா!?....

அன்புடன்...
யாகுலன்

அன்றும் இன்றும்!அன்றும் இன்றும்!

2009-05-19T01:57:00.001-07:00

நாட்கள் நகருகின்றன...
மெதுவாக!

அவனோடு இருந்த போது
மிக விரைவாய் சென்று மறைந்தது....
சில சமயங்களில்
இறக்கை கட்டிக் கொண்டு
பறக்கக் கூட செய்த நாட்கள்
இன்று கால்கள் உடைந்த முடவன் போல்
நகருவதற்கே நடுங்குகிறது!….

அன்று நாட்கள் முடிகிறதே என்று
வருந்தினேன்!
இன்று நாட்கள் விடிகிறதே என்று
கலங்குகிறேன்!

ஒவ்வொரு நிமிடங்களையும் அன்று
ரசித்து மகிழ்ந்திருக்கிறேன் என்று
இப்போது
நொடிகளைக் கூட
வேண்டா வெறுப்பாய்
நெட்டித் தள்ளும் போது புரிகிறது!......

By:- Yakulan

உயிரே!....

2009-05-19T01:56:00.000-07:00

சொல்லி விடு!..

2009-05-19T01:55:00.002-07:00

நட்பு....

2009-05-19T01:55:00.001-07:00

நீ எனக்கு நண்பியாக கிடைக்க
நான் ஏது தவம் செய்தேனோ?
கலகலவென நகைக்கும் வயதில்
சலனமில்லாமல் இவ்வளவு சோகமா?

உனக்குள் இருக்கும் சோகத்தை
எனக்குள் இன்றே புதைத்துவிட்டு
கள்ளமின்றிச் சிரித்திட
உல்லாச வானில் பறந்திடு

உன் இலட்சியங்களை நிறைவேற்ற
என்றும் உனக்கு துணையாவேன்
இன்றே விரைந்து புறப்படு
நன்றே நடக்கும் உன்வாழ்வில்

பழையனவற்றை மறந்திடு
புதியதை தேடி விரைந்திடு
சோகத்தை தூக்கி எறிந்திடு
தோழி என் தோளில் தலை சாய்த்திடு

ஆயிரம் உறவுகள் தோன்றியும்
அன்பில்லையே என சலிக்காதே
நட்பைவிட வேறேது இன்பம்
நானிருப்பேன் கலங்காதே.............

அன்புடன்....
யாகுலன்

2009-05-18T08:06:00.000-07:00

2009-05-18T02:28:00.000-07:00

2009-05-18T02:20:00.000-07:00

2009-05-17T21:35:00.000-07:00

2009-05-17T21:34:00.000-07:00

2009-05-17T21:32:00.002-07:00

2009-05-17T21:32:00.001-07:00

2009-05-17T21:31:00.000-07:00

2009-05-17T21:29:00.000-07:00